კონცეფცია, რომელის მიხედვითაც მოგვიანებით მსხვილკალიბრიანი სნაიპერული შაშხანა „Nemesis" შეიქმნა, 2001 წელს ორი ყოფილი სამხედროს მიერ იქნა შემუშავებული. ერთ-ერთი მათგანი ამერიკის შეერთებული შტატების საზღვაო ქვეითთა კორპუსის გადამდგარი ოფიცერი ჯეიმს ოუენსი იყო, ხოლო მეორე შვეიცარიელი კრის მოვიგლიატი. სნაიპერული შაშხანის პირველი პროტოტიპის გამოცდა მისი კონსტრუქციის შექმნიდან სულ რაღაც სამ თვეში ჩატარდა. 2003 წელს შვეიცარიულმა კომპანია AMSD-მა სნაიპერული შაშხანის პირველი სერიული პარტია გამოუშვა. ეს კომპანია მაღალ დონეზეა სპეციალიზირებული სამხედრო დანიშნულების მსუბუქი ზუსტი შეიარაღების წარმოებაზე.
ახალ მსხვილკალიბრიან სნაიპერული შაშხანას ოფიციალურ სახელწოდებად OM 50 Nemesis ეწოდა. დასახელებაში არსებული ინიციალები „OM" იარაღის კონსტრუქტორთა სახელების საწყის ასოებს აღნიშნავს, ციფრი „50" – შაშხანის კალიბრს, ხოლო თავად სახელი „ნემესისი" იარაღს ძველი ბერძნული სამართლიანობისა და შურისძიების ქალღმერთის მიხედვით ეწოდა.
სნაიპერული შაშხანა .50 BMG-ის (12,7 x 99 მმ კალიბრის) ვაზნებზეა გათვლილი და ანალოგიურ ვაზნებზე გათვლილ მსხვილკალიბრიან ანტიმატერიალურ სნაიპერულ შაშხანებთან შედარებით გაცილებით უკეთესი სიზუსტით გამოირჩევა. მაღალი სიზუსტის მიღწევაში ერთ-ერთ მთავარ როლს სპეციალური, ხელით დამზადებული უნიკალური ტყვიები თამაშობს, თუმცა, სწორედ ამის გამო მათი ფასი განსაკუთრებით მაღალია და ერთი ერთეულის ღირებულება რამდენიმე ათეულ დოლარს შეადგენს. ასევე საკმაოდ მაღალია თავად სნაიპერული შაშხანის ფასიც – ერთი შაშხანის ღირებულება თითქმის 11 ათას ევროს შეადგენს. 
ახალი მსხვილკალიბრიანი სნაიპერული შაშხანა ანტიმატერიალური დანიშნულებისაა, გამომდინარე აქედან, მის ძირითად დანიშნულებას შეუჯავშნავი ან მსუბუქად შეჯავშნული სამიზნეების წინააღმდეგო ბრძოლა და მისი მაღალი სიზუსტის გასროლებით განადგურება / დაზიანება წარმოადგენს. იარაღი შეიძლება გამოყენებული იქნას როგორც საპოლიციო დანაყოფების, ისე შეიარაღებული ძალების მიერაც.
იარაღი ტრანსფორმირება შესაძლებელია როგორც ურბანულ პირობებში მიმდინარე საბრძოლო მოქმედებებში გამოსაყენებლად, ისე ექსტრემალურად შორ მანძილზე მყოფი სამიზნის დასაზიანებლადაც. ასევე არსებობს შაშხანის სამოქალაქო ვარიანტიც, შორ მანძილზე დამიზნებით სროლის მოყვარულთათვის.
შვეიცარიული სნაიპერული შაშხანა მოდულური კონსტრუქციისაა და მისი სამი საბაზისო ვერსია არსებობს: Mk I, MK II და Mk III. შაშხანის პირველი ვერსია OM 50 Nemesis Mk I-ია, მას არ გააჩნია მჭიდი და მისი დატენვა მხოლოდ ვაზნების სათითადო მიწოდებით არის შესაძლებელი. გარდა ამისა, შესაძლებელია მისი სიგრძის რეგულირება, ფიქსირებული რეგულირებადი კონდახის ხარჯზე. ამასთანავე აღსანიშნავია, რომ მას არ გააჩნია ორფეხა სადგამი.
შემდეგი ვერსია OM 50 Nemesis Mk II-ია, მას უკვე გააჩნია ხუთვაზნიანი მჭიდი, ჰორიზონტალურად რეგულირებადი გვერდით გადასაკეცი კონდახი, მსუბუქი, გასაშლელი ორფეხა სადგამი სალულეზე და დამატებით კიდევ ერთი გასაშლელი ერთფეხა სადგამი კონდახის ქვეშ, სტაბილიზაციის გაუმჯობესებისათვის.
შაშხანის ყველაზე ახალი ვერსია OM 50 Nemesis Mk III-ია, მისი ლულის კოლოფისა და სალულის ზემოდან, მთელს სიგრძეზე დაყენებულია Picatinny-ის ტიპის უნივერსალური მიმმართველები, რომელზედაც ყველა თანამედროვე ოპტიკური სამიზნისა და ღამის ხედვის მოწყობილობის დამონტაჟებაა შესაძლებელი.
ამ სამი ვერსიიდან თითოეულზე შესაძლებელია რამდენიმე სხვადასხვა სწრაფად მოსახსნელი ურთიერთშეცვლადი ლულის დაყენება. ლულები ერთმანეთისაგან პროფილითა და სიგრძით განსხვავდებიან. ლულებზე შესაძლებელია მაღალეფექტური ლულის მუხრუჭის ან მოსახსნელი მაყუჩის დამონტაჟება. მსხვილკალიბრიან სნაიპერულ შაშხანას სულ სამი სხვადასხვა სიგრძის ლულა გააჩნია. ყველაზე მცირე ზომის ლულის სიგრძე 381 მმ-ს შეადგენს. ეს ლულა ურბანულ პირობებში წარმოებული საბრძოლო მოქმედებებისთვისაა გათვალისწინებული და შედარებით ახლო მანძილებზე სროლისათვის გამოიყენება. ხოლო ყელაზე გრძელი ლულის სიგრძე 838 მმ-ს შეადგენს, და, რაღა თქმა უნდა, ეს ლულა შორ დისტანციებზე მაღალი სიზუსტის ცეცხლის საწარმოებლადაა განკუთვნილი. ლულის შეცვლის ოპერაციის განხორციელება საველე პირობებშიც კი მარტივადაა შესაძლებელი და სულ რაღაც 2 წუთამდე დროს საჭიროებს. თუმცა ლულის შასაცვლელად საჭიროა სახრახნისის გამოყენებაც. 
OM 50 „ნემესისის" სერიის ყველა შაშხანა ერთსა და იმავე საავიაციო ხარისხის ალუმინის შენადნობისაგან დამზადებულ ლულის კოლოფისა და ფოლადისაგან დამზადებულ ხელით მართვად მბრუნავი საკეტის ჯგუფზეა დაფუძნებული. ლულის ჩაკეტვა წრფივად მოსრიალე საკეტის მოგრუნებით ხდება. შაშხანის დამრტყმელ-გამშვები მექანიზმი სრულად რეგულირებადია. იარაღის სალულე ლულის კოლოფზეა ფიქსირებული. იარაღზე დაყენებულ Picatinny-ის ტიპის მიმმართველები, რომელზედაც თითქმს ყველა თანამედროვე ტიპის ოპტიკური სამიზნის ან სხვა მოწყობილობის დამონტაჟებაა შესაძლებელი, მაგალითად, ლაზერის, ღამის სამიზნე სისტემის, ტაქტიკური ფანარისა და ა. შ.
საველე პირობებში OM 50 „ნემესისის" ტიპის მსხვილკალიბრიანი სნაიპერული შაშხანის სიზუსტე, როგორც ამბობენ, 0.5 MOA-ს შეადგენს 300 მეტრზე, ხოლო 1000 მეტრზე კი 1 MOA-ს. ტესტირებისას, როდესაც მას გამოცდილი ამერიკელი საზღვაო ქვეითთა სნაიპერი ისროდა, OM 50-ის ტიპის შაშხანიდან გასროლი ტყვიები 911 მეტრში ( 1 000 იარდი ) 6 x 5 სმ გაბარიტების მქონე სამიზნეზე მოთავსდა, რაც 0,25 MOA-ს ტოლ სიზუსტეს ნიშნავს. სნაიპერული შაშხანა ამჟამად უკვე იმყოფება მრავალი სხვადასხვა ქვეყნის საპოლიციო დანაყოფებისა თუ სპეციალური დანიშნულების ძალების შეიარაღებაში.
ტაქტიკურ-ტექნიკური მახასიათებლები: დასახელება
OM 50 Nemesis Mk I
OM50 Nemesis Mk II
OM 50 Nemesis Mk III
კალიბრი
.50 BMG(12,7 x 99)
მექანიზმი
ხელითტენვადი, წრფივად მოსრიალე მობრუნებადი საკეტი
სრული სიგრძე
1029 მმ-დან (381-მმ-იანი ლულით) 1562 მმ-მდე(838-მმ-იანი ლულით)
გაშლილი კონდახით: 1029 მმ-დან (381-მმ-იანი ლულით) 1562 მმ-მდე (838-მმ-იანი ლულით)
დაკეცილი კონდახით: 774 მმ-დან (ствол 381-მმ-იანი ლულით) 1232 მმ-მდე (838-მმ-იანი ლულით)
ლულის სიგრძე
381-დან 838 მმ-მდე, შეცვლადი
წონა
10-დან 15 კგ-მდე მჭიდისა და ოპტიკის გარეშე, დამოკიდებულია კონფიგურაციაზე
მჭიდი
უმჭიდო (ერთვაზნიანი შაშხანა)
5-ვაზნიანი, მოსახსნელი
| 
